सेन्डाईस्थित एक इन्डियन रेस्टुरेन्टमा काम गर्ने चूडामणि सापकोटा, सेन्डाईमै कार्यरत बाबु सापकोटा, माया गुरुङ, मियागीस्थित यती रेस्टुरेन्टका सञ्चालक श्रवण तुलाचन र मीना तुलाचनलगायत सम्पर्कबाहिर भएको जनाइएको छ । सम्पर्कविहीन नेपालीबारे दूतावास जानकार रहे पनि यकिनसाथ केही भन्न नसकिने टोकियोस्थित दूतावासका उपनियोग प्रमुख दुर्गाबहादुर सुवेदीले बताए । नेपालीको स्थिति पहिचान गर्न भूकम्प तथा सुनामी प्रभावित पीडित नेपाली सहयोग समितिसमेत गठन गरिएको छ ।
टोकियोस्थित नेपाली दूतावासका उपनियोग प्रमुख सुवेदीको संयोजकत्वमा गठित समितिको सहसंयोजकमा गैरआवासीय नेपाली संघ जापानका अध्यक्ष लालबहादुर केसी छन् । समिति सदस्यहरूमा भूषण घिमिरे, गोविन्द श्रेष्ठ, अरुणकुमार श्रेष्ठ, किरणविक्रम थापा, राजन प्रधानांग, भवन भट्ट, सरोज कँडेललगायत छन् । जापानमा अहिल एक लाख अमेरिकी सेना पनि पीडितको राहत तथा उद्धारमा जुटेका छन् ।
पछिल्लो तथ्यांकअनुसार जापानमा २० हजारजति नेपाली छन् । राजधानी टोकियोमा ५ रेक्टरको मात्रै भुइँचालो आएकाले युवाते, मियागी, फुकुसिमा, सेन्डाईजस्तो ठूलो क्षति र हताहत स्थिति नरहेको दूतावासले जनाएको छ । शनिबार बिहानसम्म नेपालीलाई कुनै क्षति नभएको भनिए पनि बेपत्ता र सम्पर्कविहीनको संख्या बढ्दै गएकाले यसबारे जानकारी आउन बाँकी रहेको छ ।
0 : बिचार र सुझाबहरु:
Post a Comment