म्याग्दी, असार ६ । वर्षाको सुरुवातसँगै हिमालपारिको जिल्ला मुस्ताङलाई जोड्ने बेनी–जोमसोम सडक अवरुद्ध भएको छ । वर्षाका कारण सडक भत्किने र खोलामा बाढी आउन थालेपछि सडक अवरुद्ध भएको हो । सडक अवरुद्ध हुँदा मुक्तिनाथ जाने तीर्थयात्री र मुस्ताङ जाने आउने पर्यटक मर्कामा परेका छन् । म्याग्दीको भिरकाटेमा नदी कटानले सडक भत्किएको छ । दानाको घट्टेखोलामा बाढी आएपछि गाडी वारपार हुन सकेका छैनन् । रुप्से खोलामा पानीको बहाव बढे पनि सडक विभागले पुल बनाउन ढिलाइ गरेकाले जोखिमपूर्ण यात्रा गर्नुपर्ने बाध्यता छ ।
छयहत्तर किलोमिटर लामो सडकमा यात्रा गर्न तीन ठाउँमा गाडी परिवर्तन गर्नुपरेको यात्रुले बताएका छन् । सडकमा बाढी आएको मौका छोपी यातायात व्यवसायीले भने बीचबीचमा तोकिएको भन्दा बढी भाडा लिने गरेको मुक्तिनाथ जान हिँडेका काठमाडौँका विनोद थापाले बताए ।
0 : बिचार र सुझाबहरु:
Post a Comment