समूहको तीन हेक्टर क्षेत्रफलमा टिमुरको बिरुवा उत्पादन गर्न बगैँचा स्थापना गरिएको छ । बगैंचाको सुरक्षणका लागि रु एक लाखको लगानीमा २०० मिटर लामो पर्खाल बनाइएको छ ।
टिमुरखेतीको व्यावसायिक विकासका लागि नर्सरी बगैंचा स्थापना गरिएको हो । सो कार्यका लागि कुल रु एक लाख ३३ हजार ५०० खर्च भएको छ ।
बगैंचामा दुई हजार ५०० टिमुरका बिरुवा रोपिएको छ । सो वनमा यसअघि पनि टिमुर रोपिएको थियो । राष्ट्रिय तथा अन्तर्राष्ट्रिय बजारमा टिमुरको माग बढेपछि उपभोक्ताले बगैँचा नै स्थापना गरेर व्यावसायिक टिमुरखेती गरेका हुन् । टिमुर नर्सरीमा बिरुवा रोप्ने कार्यक्रमको समूहका भूपू अध्यक्ष तिलकबहादुर चोखाल र वर्तमान अध्यक्ष प्रेमबहादुर खत्रीले उद्घाटन गर्नुभएको थियो ।
बगैँचा स्थापना गर्न त्यहाँका उपभोक्ताले सक्रियतापूर्वक सहयोग गरेका घोर्लास सामुदायिक वनका सचिव ईब गिरीले जानकारी दिनुभयो । सचिव गिरीका अनुसार जैविक विविधता, वातावरण संरक्षण र वन विस्तारमा सक्रिय समूहले रु एक लाख बराबरको गणेशमान पुरस्कारसमेत प्राप्त गरेको थियो ।
0 : बिचार र सुझाबहरु:
Post a Comment