Home » » आजबाट विधिवत रुपमा दशैं सुरु

आजबाट विधिवत रुपमा दशैं सुरु

Written By Admins on Tuesday, September 27, 2011 | 9:24 PM

आज अश्विन शुक्लपक्ष प्रतिपदा अर्थात घटस्थापना । आजबाट नेपालीहरूको महान् चाड वडादशैं विधिवत् रूपमा सुरु भएको छ । नेपालीहरुका घरघरमा बिहानैदेखि जमरा राखेर पन्ध्र दिन लामो दंशैंलाई स्वागत गरिएको छ ।

घटस्थापनाका दिन आफ्नो घर-आँगन तथा पूजा कोठामा सरसफाई गरी नदी,तलाउ,पोखरी, कृण्ड वा पत्रिव स्थानबाट माटो ल्याएर पूजा कोठा अर्थात् दंशैंघरमा विधिपूर्वक दियो कलश र गणेशको पूजा गरी जौं, मकैलगायतका अन्न रोपेर जमरा राख्ने गरिन्छ ।

नेपाल पंञ्चाङ्ग निर्णायक समितिले आज बिहान १० बजेर २७ मिनेटमा घटस्थापनाका लागि उपयुक्त समय रहेको जनाएको छ । परम्पराअनुसार घटस्थापनाको दिन काठमांडौंको हनुमान ढोकास्थित कुमारीघरका साथै देशभरका विभिन्न शक्तिपिठहरुमा विधिपूर्वक जमरा राखी महाकाली, महालक्ष्मी, महासरस्वतीलगायत नवदुर्गाको पूजा आराधना गरिन्छ । बिहान जमरा राखेपछि घर-घरमा र देवी मन्दिरहरूमा चण्डी पाठ गर्ने चलन छ । घटस्थापनाको दिन राखिएको जमरा विजया दशमीको दिन आफ्ना मान्यजनबाट लगाएर आशिर्दवाद ग्रहण गर्ने गरिन्छ ।

आजैबाट नवरात्री सुरु हुने हुनाले राजधानीलगायत मुलुकभरमा देवी मन्दिर तथा शक्तिपीठहरूमा दर्शन गर्नेहरुको भिड लागेको छ । राजधानीका गुहेश्वरी, दक्षिणकाली, पचलीभैरव र मैतीदेवीलगायतका मन्दिरहरुमा भक्तजनको भिड लागेको छ । आजबाट सुरु दशैं कोजाग्रत पूणिर्माका दिन जमरा बिसर्जन गरी समापन हुन्छ । भएको यस वर्षको दशैंको टिका आगामी १९ असोजमा परेको छ ।

0 : बिचार र सुझाबहरु:

Post a Comment

समाचार अर्काइभ

Like us on Facebook
Follow us on Twitter
Recommend us on Google Plus
Subscribe me on RSS