पूर्वटेनिस स्टार अन्ना कर्निकोभाले आफ्ना लागि बिहे महत्त्वपूर्ण नभए पनि सन्तानको रहर भने रहेको बताएकी छिन् ।
उनले आफ्ना गायक प्रेमी इन्रिक
इग्लेसियाज र आफ्ना लागि तत्काल बिहे महत्त्वपूर्ण नभएको
सञ्चारमाध्यममार्फत प्रतिक्रिया दिएकी हुन् । 'अवश्य पनि म सन्तान चाहन्छु,
त्यो मेरो आफ्नै पनि हुनसक्छ वा धर्मसन्तान पनि हुनसक्छ', नोभेम्बरको वुमन
हेल्थ पत्रिकासँग ३० वर्षीया कुर्निकोभाले भनिन्- 'मलाई बच्चाको हेरचार
गर्न मनपर्छ ।'
लगातार चोटका कारण २००३ मा २१ वर्षकै
उमेरमा टेनिसबाट बिदा लिन बाध्य भएकी कुर्निकोभा अहिले समाजसेवामा तल्लीन
छिन् । हाल उनी 'द बिगेस्ट लुजर' मा ट्रेनरका रूपमा कार्यरत छिन् । उक्त
रियालिटी -शोका सहभागीलाई तालिम दिनुअघि उनी आफू पनि नियमित व्यायाम गर्ने
गर्छिन् ।
विभिन्न काममा व्यस्त भएकै कारण उनले
३५ वर्षीय इग्लेसियाजसँग बिहे गर्ने विषयलाई प्राथमिकतामा पनि राखेकी छैनन्
। 'बिहे मेरा लागि प्राथमिकताको विषय होइन । म अहिले खुसीयाली सम्बन्धमा
छु, त्यो नै महत्त्वको कुरा हो', कुर्निकोभा भन्छिन्- 'म वाचामा विश्वास
गर्छु । हामी एक-अर्काप्रति प्रतिबद्ध छौँ तथा एक-अर्काको विश्वास गर्र्छौं
अनि एक-अर्काको सम्मान गर्र्छौं । म जीवनमा त्यही गर्छु, जुन मलाई मनपर्छ ।
म आफ्नो गल्ती ढाकछोप पनि गर्दिन ।' साथै उनले बिहे गर्न किन आवश्यक छैन
भन्ने कुरामा पनि चर्चा गरेकी छिन् ।
'बिहे नगरिकनै कसैसँग सुखद् जीवन
बिताउन सकिन्छ भने बिहेको आवश्यकता छैन । बिहे गरेर छुट्टनिुभन्दा बिहे
नगरी एकसाथ जीवन बिताउनसक्नु ठूलो कुरा हुन्छ, यो आ-आफ्नो सोचको विषय हो'
-उनी भन्छिन् ।
२००१ मा इन्रिकको 'इस्केप' म्युजिक
भिडियोमा देखापरेपछि उनीहरू नजिक भएका थिए । त्यसपछि उनीहरूले एकसाथ रहने
निर्णयसमेत गरे । यद्यपि, ती दुवैले बिहेका विषयमा भने कुनै निर्णय गर्न
नसकेको बताउँदै आएका छन् ।
0 : बिचार र सुझाबहरु:
Post a Comment