१७ पुस, काठमाडौं । शनिबार
वीरगञ्जमा सरकारसंग चारबुँदे सहमति भएपछि संयुक्त जनतान्त्रिक तराई मुक्ति
मोर्चा पवन समूहले सरकारलाई हतियार बुझाएको छ । पवन समूहले वार्ता सफल
भएपछि ३१५ पेस्तोल चार थान र १२ बोरको पेस्तोल चार थान सरकारलाई बुझाएको हो
। मोर्चाले सरकारलाई बुझाएको आठ थान
हतियार सरकारी वार्ता टोली संयोजक शान्तिमन्त्री सत्या पहाडीले पर्साका
प्रमुख जिल्ला अधिकारी शम्भु कोइरालालाई हस्तान्तरण गर्नुभएको थियो ।
वार्तामा साउन २८ गते भएको
सहमतिअनुसार मोर्चाले सरकारलाई हतियार बुझाउने, पूर्व सहमतिअनुसार मोर्चाका
तर्फबाट शान्ति मन्त्रालयमा बुझाएको विवरणबमोजिमका नेता तथा
कार्यकर्तामाथि लागेको मुद्दा फिर्ता र थुना तथा बन्दीको रिहाईसम्बन्धी
प्रक्रिया थाल्ने, यसअघि भएका सहमति दुवै पक्षबाट कार्यान्वयन गर्ने र
आगामी वार्ताको मिति एवम् स्थान आपसी सहमतिमा निर्धारण गर्ने सहमति भएको
थियो ।
शान्तिमन्त्री पहाडीले राजनीतिक
एजेन्डा बोकेका तथा गैरराजनीतिक सशस्त्र समूहलाई सशस्त्र द्वन्द्वको बाटो
छाडी वार्ता र सहमतिबाटै समस्याको निकास खोज्न आहृवान गर्नुभयो । त्यस्तै
मोर्चाका तर्फबाट वार्ता टोलीका संयोजक प्रल्हाद गिरीले वार्ताको माध्यमबाट
राजनीतिक मूलधारमा आउन सबै भूमिगत संगठनमा रहेका युवालाई आग्रह गर्नुभयो ।
Home »
» वार्ता सफल पछी मुक्ति मोर्चा समुहले हतियार बुझाए
0 : बिचार र सुझाबहरु:
Post a Comment